鄭融與新城DJ路芙向來甚為老友，路芙最近再次推出鬼古書籍，身為好友的鄭融當然力撐，她說：「都有聽過路芙嘅鬼古節目，可能自己信仰問題，對鬼神唔會太迷信，不過聽到鬼古都會毛管戙。」

回家感驚嚇

鄭融又憶述學生年代，曾觀看一套日本經典鬼片《午夜凶鈴》，由於故事內容貼近生活，鄭融在回家時更嚇得心慌慌，她說：「套鬼片係講隻女鬼貞子喺電視機爬出嚟，而我行入房之前，就係要經過一條走廊同部電視機，自己企咗喺玄關好耐，先敢衝入去！」

新意念測心理

談到路芙新作，鄭融表示為支持朋友必定會好好細看，她說：「依家未睇，但一定會買，試吓睇囉，如果真係好驚就當禮物送畀其他朋友囉！」鄭融又透露路芙的最新意念，她說：「佢話之後想出一本互動鬼書，即係好似啲心理測驗，可以畀你揀下一步去邊，我覺得又有創意又可以令讀者更加投入，應該會更加驚心動魄！」

採訪：音樂組

攝影：謝國華