憑34E激凸上位的Lavina，入行短短數月已「升呢」做師姐，日前被發現帶埋兩位師妹陪老闆Admond遊船河。Lavina在船上更大解放，公然用巨胸壓大髀啜蟹腳、食魚生，難怪同行的「A貨周杰倫」陳日豐亦投降任玩！
Lavina（鍾蕙芝）曾被傳到深圳陪老闆坐枱，事後她矢口否認，不過日前卻被發現與公司老闆Admond遊船河，還「升呢」帶住兩位身材惹火的師妹「翻版周麗淇」何雅靜和「翻版Janice Man」梁思敏一齊出海，反而之前與Admond傳緋聞的Rainbow則不見影。
冧人埋單
約下午一時，身穿背心、熱褲的Lavina與大班朋友往西貢遊船河，期間先到不少藝人愛光顧的CowBoy BBQ食品專門店選購美食。Lavina在店內不停狂掃長腳蟹、魚生、生蠔等高檔食物，她還不慎將長腳蟹弄跌地上，幸好老闆未有責罵，當她烏身執蟹時即春光乍現，引來不少途人停下來多望幾眼。Lavina雖然揀得豪氣，但當看到二千多元的單據就即時卻步，最後惟有出冧招叫老闆做闊佬埋單。
猛男包圍
之後一行人乘坐七人車到附近碼頭上船，一向甚受異性歡迎的Lavina更全程獲「A貨周杰倫」陳日豐貼身照顧，見Lavina拿着大抽小袋便上前幫忙。Lavina被一眾猛男團團圍住，兩位師妹亦不甘示弱，甫上船即換上比堅尼大騷本錢，不過Lavina一向不錫身，擺放食物即愈烏愈低，烏得太久便索性將巨胸壓住大髀，當時身邊只有陳日豐在場，香艷場面盡收眼簾，難怪日豐見Lavina玩啤牌狂輸，即甘願被罰夾衫夾，不讓伊人受皮肉之苦。飲飽食醉，眾人玩至傍晚六時才離開。
文：專案組 攝：追蹤組、攝影組