樂壇天后容祖兒為慶祝入行十年，將於下月四日舉行一連兩場演唱會，門票昨日公開發售，在短短十分鐘火速售罄，身在內地的祖兒感激歌迷支持，坦言不會加場，更不希望有人趁機炒飛圖利。
身為英皇一姐的容祖兒將於下月在文化中心舉行兩場演唱會，唱片公司為隆重其事，豪擲過百萬元在紅隧口及銅鑼灣等地購買巨型廣告牌，個唱門票昨日公開發售，吸引過百歌迷預早排隊撲飛，而門票開售不足十分鐘已沽清，有歌迷因購買不到門票致電唱片公司要求加場，令英皇電話一度「爆線」。
只開兩場
身在上海宣傳新專輯的祖兒得知個唱銷情，即說：「多謝大家支持，今次係以歌會友。（會唔會加場？）應該唔會喇，因為文化中心場館檔期好滿。」祖兒透露原先打算只舉行一場，她說：「不過怕太多人睇唔到，所以我同公司講不如開兩場。（會唔會舉行Part 2？）暫時冇考慮。」
重新編曲
問到怕不怕有人趁機炒飛？祖兒說：「千祈唔好，呢個演唱會好有意義，係好值得紀念，唔希望有呢啲事發生。（阻止唔到？）惟有叫歌迷小心啲。」祖兒透露個唱內的歌曲會重新編曲，她說：「當中有好多都係經典金曲。（舞台會唔會太局限？）當然舞台冇紅館變化咁多，不過會同歌迷好接近。」
文：音樂組