林子祥（阿Lam）與太極樂隊前晚於澳門舉行慈善演唱會，雖然入座率只有六成，但各人仍落力獻唱多首金曲，阿Lam說：「我好想唱情歌，不過唱情歌個對象今晚唔喺度！」他隨即邀請一位女fans代替太太葉蒨文（Sally）合唱《選擇》，當他主動走到台下跟觀眾握手時，一度穿插過大片「吉」櫈，場面尷尬。
阿Lam事後表示：「我唔知喎，冇乜留意，見有位咪行過去囉。」太極結他手鄧建明笑言：「冇人咩？冇人都握咁耐？首歌我幫你拉長咗好多喎！」太極坦言能夠跟偶像阿Lam合作感到非常榮幸，希望有機會繼續走埠演出。問阿Lam為何Sally未有現身，他說：「佢忙自己嘅事，要同人鬥波（羽毛球），就嚟要比賽。」
