李珊珊、楊紫瓊（Michelle）、林嘉欣及古巨基昨日出席道路安全活動。珊珊近日再被拍到與緋聞男友馬漢華約會，她指該雜誌多年來均努力刊登其負面新聞：「攻擊我唔緊要，唔好影響其他人，佢哋兩個（錢嘉樂、馬漢華）都係好人，唔應該受呢啲嘢。」雖然與嘉樂仔已分手多時，但珊珊仍維護對方：「佢依家事業發展得幾好，又做動作導演，大家睇多啲《火龍》啦！（嘉樂年紀大應該成家立室？）佢同城城同年，所以唔使驚。」
身為國際道路安全大使的Michelle，透露平日多以單車代步，響應環保之餘又健康。而剛在韓國奪影后的嘉欣，笑指老闆王海峰連恭賀電話也欠奉，建議對方折現當禮物。至於已有兩年沒有駕車的古巨基，笑指因助手Lorriane恐懼，故平日多以的士代步。