蔡卓妍（阿Sa）日前拍攝新歌ＭＶ，親自挑選黃宗澤任男主角，當導演要求兩人擺親暱動作時，兩人即表現尷尬兼互望喪笑，經過一輪熱身最後一take搞掂。問到怕不怕緋聞男友鄭中基呷醋？阿Sa冧笑表示不回應。
阿Sa早前狂煲電視劇《烈火雄心３》，對飾演Encore角色的黃宗澤留下深刻印象，覺得對方很Man，當知道新歌《生還者》ＭＶ要男主角，即二話不說向公司推介黃宗澤，卻慘遭工作人員潑冷水說：「都唔同公司，人哋都好忙㗎。」最後英皇與無綫不斷度期，成功邀得黃宗澤合作。
請纓落水有義氣
導演分別要求兩人齊齊落水及擺出親暱動作，黃宗澤先請纓說：「女仔落水唔方便，等我嚟。」由於他穿上白色恤衫，上水時不經意透點，黃宗澤說：「自己ＭＶ都未咁賣力。」身旁的阿Sa大讚說：「有義氣。」當兩人準備互攬時，即顯得不知所措及尷尬，場面搞笑。而阿Sa更被歌詞感動得淚流滿面。
唔怕胡杏兒呷醋
阿Sa大讚黃宗澤真人比上鏡大隻，她說：「難得他肯落水拍攝，可以睇到佢濕身個樣，雖然大家唔同公司，希望日後可以再合作。」問到怕不怕黃宗澤的緋聞女友胡杏兒呷醋？阿Sa說：「相信杏兒係專業演員，明白係導演要求。」至於她又會否擔心緋聞男友鄭中基呷醋？阿Sa甜笑說：「呢個唔答。」
採訪：音樂組