阿嬌：「可能係歌迷對佢期望太高，佢都應該結婚生仔。（話佢係大話天王！）因為個個歌迷都當佢係偶像想嫁佢，上次有女歌迷（楊麗娟）嚟咗香港都有事，可能華仔唔想再有更Worse嘅事發生！」

阿Sa：「呢排見到佢個樣，感受到佢唔開心，依家知道呢件事令佢好困擾，至於佢同喻可欣張結婚證書，都冇法律效用嘅。」

童愛玲：「唔好再逼佢啦，結婚係好個人嘅事，應該鼓勵佢，依家覺得佢好可憐。佢都娶咗佢（朱麗倩）啦，作為一個傳統女人，只要另一半好，可以為家庭作出犧牲。」

楊紫瓊：「藝人結婚唔係一件錯事，有時做藝人都身不由己。佢唔講住都係為大家嘅關係好啲啫。（你試過被勸唔公開拍拖？）我當年同潘迪生結婚，就慌死無人知。」

王晶：「最近嘅事對佢一啲影響都冇。（咁你係咪會開一套愛情電影呀？）係有計劃開愛情電影。（搵劉德華做主角？）如果佢肯拍我不知幾開心。（擔唔擔心婚事曝光影響佢主演嘅《未來警察》嘅票房？）套戲一定會大賣嘅。」