樂壇天后容祖兒昨日為十周年音樂會舉行記招，大晒過往的驕人成績，單是十年內推出的61張唱片，全球累積銷量超過五百萬張，難怪深得萬千寵愛！近日樂壇喜事重重，仍未有着落的祖兒笑謂還未過三字頭愛情不會強求！
容祖兒為慶祝入行十周年的大日子，將於十月四日在尖沙咀文化中心舉行兩場「Joey Yung Perfect 10 Live 2009」，昨日獲唱片公司兩大高層霍汶希（Mani）及吳雨撐場，台上放置四個1:1人形紙牌，甚具氣勢！大會播放短片，大晒祖兒在歌影視的成就，她推出的61張專輯的全球累積銷量更超過五百萬張，數量驚人！
祖兒指這次音樂會有別一般紅館個唱：「可能會靜啲，觀眾入場最好唔拎燈牌、吹氣棒，主要是以歌會友。（日夜兩場咁少？）我想入場嘅觀眾都覺得自己係唯一一個。」為顧及內地的歌迷，祖兒透露有意作巡迴演出。
自嘲似隻豬
Mani昨日送上巨型鑽石形音樂盒贈興：「希望祖兒可以有永恒嘅成就同光輝，繼續發光發亮，畀你擺喺新屋！」祖兒否認即將搬屋：「依家地方都夠用，做得咁辛苦都係為食同瞓！（咁簡單？）係呀，我係豬嚟！」問她十年來仍屬單身是否遺憾？祖兒說：「下一個十年都未輪到我！我想喺遠啲嘅市場都成功！我渴望、好渴望愛情，但係唔會強求！」
唔心急結婚
對於有傳楊千嬅以結婚換女歌手獎，祖兒說：「咁好想像力？點會咁兒戲，我哋啲老薑知有啲報道信唔過！（原本你可以六連霸喎！）可能失而復得仲開心呢！等我呀！」另外，祖兒昨日在查小欣節目訪問中，笑謂不急於結婚：「未過三字頭，仲有一年畀我牙擦！」至於阿嬌的舞台劇減場，祖兒認為對方已做得很好。而阿嬌昨日在電台訪問中重提慾照事件，直言認識單立文、阿Sa、Mani及祖兒令她一生無憾！
文：音樂組 攝：沈建程