當年嘉欣憑電影《男人四十》連奪香港電影金像獎「最佳新人獎」及「最佳女配角」，及後連續五年入圍影后五強之列，無奈總是擦身而過，終在今晚舉行的「第三屆韓國忠武路國際電影節」上，憑與鄭伊健合作的電影《親密》開齋榮升影后，昨日嘉欣接受本報訪問時表現興奮，笑言該片乃首部政府電影基金撥款支持，如今能夠被外間認同大感安慰，亦沒有令喜歡她的人失望。

零的突破

問到以往多次提名影后均名落孫山，如今作零的突破是否鬆一口氣，嘉欣笑謂：「其實前幾年提名冇咩感覺，因為覺得自己未係時候，即使演技方面都係，心諗唔攞好過攞，但呢套戲我喺舊年金馬獎時講過好想攞，雖然最後都失敗，但依家攞到真係好開心。」

不加片酬

嘉欣更指不會為攞獎而加片酬，問到日後挑劇本會否更嚴謹，她哈哈大笑謂：「再收緊就唔使拍，經理人一直叫我唔好咁執着，但我覺得自己只係拍戲，如果唔執着點得呢。」

嘉欣原準備好一襲桃紅色Dior性感晚裝出席頒獎禮，無奈當地前總統逝世，大會建議嘉賓服飾盡量低調，最後嘉欣惟有改以黑色晚裝出席。

文：影視組