美國劇集《律政高法度》於本周三在索尼娛樂台首播，主角Mark-Paul Gosselaar在年輕時憑青春偶像劇《Saved By The Bell》走紅，早前名嘴主持Jimmy Fallon發起簽名行動，希望幾位主角重組再拍該劇。
Mark-Paul在接受本報越洋訪問時回應指：「好驚訝觀眾仲想我哋重組，唔知成唔成事，但我喺Jimmy節目已扮過一次夠晒皮，唔係收錢重組拍劇我都唔想再扮。」他亦表示當年做青春偶像比現時輕鬆得多：「依家觀眾好留意明星，又多鏡頭相機注意你，我嗰年代邊有狗仔隊。」
在《律》劇中飾演法援律師的他，表示為了角色特意飛到紐約法援處跟資深律師實習一周。他又指雖然過往有不少講律師的電視劇，但《律》劇卻以法官、控辯雙方律師角度出發，同時以離奇的案件為題材，令劇集更有趣。