阿澤雖然飽受高溫煎熬，但仍然不失一貫幽默，他說：「呢輪周不時都酷熱天氣警告，喺室外開工，對住個大太陽，除咗個『熱』字，真係乜都諗唔到，身上件衫真係名副其實變『汗衫』，所以我永遠有一條濕毛巾傍身，整幾滴花露水落去，提一提神。不過有次拍拍吓走入間琴行度涼冷氣，睇到啲嘢仲提神，我到有個鋼琴做緊特價，你知唔知特價後幾多錢？九十幾萬呀！真係熱賣價。」