應屆港姐三甲劉倩婷、李姿敏和熊穎詩，昨日先到溥儀眼鏡接受頒獎，其後聯同「最上鏡小姐」袁嘉敏和「國際親善小姐」黃嘉麗到六福珠寶門市接受珠寶鑽飾獎品。

港姐冠軍人馬兼董事楊寶玲亦從美國返港出席為冠軍加冕。對於今屆佳麗質素，她說：「OK啦，其實經過化妝同造型後比初初靚咗，我都好慶幸唔需要做評判，都幾難揀。（因質素差？）冇乜驚喜囉，可能佢哋年紀細，未發揮到種味道，假以時日可以靚啲嘅。」其後她又表示不知香港的靚女去咗邊：「可能佢哋去晒做o靚模。（你有留意？）有，好interesting（有趣），只要唔太性感，唔好變成唔好風氣都得嘅，我19歲都做model啦！」

劉倩婷（右）與袁嘉敏傳出緋聞，但仍大方合照。	劉倩婷母親亦有到場為女兒打氣。	劉倩婷（右三）獲楊寶玲（左三）加冕，感到榮幸。

袁嘉敏否認示愛

對於師姐表示「好難揀」，冠軍劉倩婷說：「每年都會難揀，個個佳麗都有長處。」另外，袁嘉敏被指透過網誌向劉倩婷示愛，她說：「我冇喎，係咪黑客入侵呀？」事後才承認北海道回港後曾在網誌大讚對方好人，但絕無愛意存在，問到是否同性戀者，她說：「我唔可以話到咁實，如果廿年後我鍾意咗女仔，咁點交代。」又自爆競選期間愛上一名男工作人員。劉倩婷則表示對同性戀報道已經習慣，問到會揀袁嘉敏還是馬詠恩，她說：「兩個都係我朋友，不過同馬詠恩熟啲。」

另外，有讀者自稱是劉倩婷生父的同事，需要為劉父的兩名兒子討公道，指劉母對兩兒子冷淡，令兩子撤離茶餐廳自力更生。另有讀者爆料指劉倩婷近日的是非是由黃嘉麗造出來的。

文：影視組