黃子華前晚首演「黃子華棟篤笑嘩眾取寵」，在台上施展渾身解數發放笑彈，甫出場先脫去上衣掀起全場氣氛，之後邀請了一名女觀眾上台翹手假結婚，宣誓時問子華要兄弟還是老婆？他答：「會揀『兄弟嘅老婆』！」全場捧腹大笑。由於棟篤笑做到成行成市，他又自嘲被林海峰夾死，又被詹瑞文插死，承受了很大壓力。

劉青雲夫婦結伴睇騷。

前晚子華開騷，座無虛席。

新解「浪費公帑」

另外，他又大講娛圈熱話，將慾照事件盡情發揮，他指婚前性行為會令人身敗名裂，婚外情反而令人致富，他又抵死地謂有人被偷睇了要出來道歉，反而偷睇者還可以投訴別人天真。另外，他又揶揄環保署職員上班瀏覽鹹網一事：「阿媽問個仔讀書做乜，個仔話做政府工，仲要係環保署。有職員月薪十二萬用一半返工時間上鹹網，等於納稅人每月津貼六萬蚊畀佢。唔緊要，但六萬蚊有一千隻成人光碟，點睇得晒呢，呢啲先係浪費公帑。」抵死言論笑爆全場。而當晚到場欣賞的藝人有陳法蓉、吳鎮宇、劉青雲夫婦等，可謂星光熠熠。 文：影視組