郭羨妮前晚以嘉賓身份出席上海灘新店開幕儀式，她表示近排忙於工作，而她有份主演的電視劇《古靈精探B》收視理想，令她感到十分高興，更笑言若收視再上升，便與郭晉安請台前幕後工作人員食飯。

郭羨妮近排忙於工作，她表示感情事會隨緣。	Ana R.（左）及Lisa S.結伴睇騷。	放大圖片

被問到有否拍拖？她便耍手擰頭︰「我真係冇拖拍。（你咁靚冇人追咩？）我冇出街，點畀機會人追我。（你唔出街咪冇機會電人囉？）我都話冇出街，總之感情事隨緣。」至於會否效法徐淑敏閃電結婚？她表示從未見過徐淑敏真人，並說︰「我都知佢結婚，但我冇諗呢啲嘢喎！（想好似汪明荃咁遲婚？）好似佢咁都幾好呀！」

另外，問她會否覺得今屆港姐質素下降？她說︰「我覺得佢哋好好，佢哋廿幾歲，仲有得靚，成長後會變得成熟，有唔同嘅靚！」

羅愛欣有人追

另外，羅愛欣（Rachel）、Ana R.、Lisa S.、陳碧舸與劉丹全部以中國服亮相於上海灘的最新時裝展。問Rachel有沒有拍拖？她說︰「我最近去咗法國南部放咗兩個禮拜大假。（有男士陪去旅行？）我做銀行，有兩星期法定大假。（有冇人追？）有。（有冇機會發展？）都有，但依家都保持朋友關係先。」

另邊廂的Ana R.盛讚自己穿中國服穿得像電子遊戲中的主角春麗，問到結婚會否穿中國服？她說︰「我都未有計劃結婚，如果真係結，我會着好多唔同類型嘅衫。」

文︰名人組