首任電影女主角的詩雅前晚盛裝打扮出席英皇新片《很想和你在一起》首映，大露背加低胸成為記者相機焦點，就連兩位男拍檔洪卓立及陳家樂亦爭相護花，打趣指詩雅是女神，異口同聲表示不敢直望，以免流鼻血。訪問期間詩雅遭人開玩笑式輕撫玉背，不過足足一分鐘她仍毫無知覺，事後詩雅靦覥自爆謂：「好多人都話我反應遲鈍，之前試過喺商場，迎面而嚟有個中年漢用手摸我大髀，雖然好嬲都唔知點算，過咗半日先敢同助手講，諗起都覺得蝕晒。」

詩雅、洪卓立開心老闆楊受成與太太齊撐場。	陳家樂攬住詩雅合照。	一班o靚模撐A.Lin（左三）做串星。陳家樂攬住詩雅合照。

演技受讚好搶手

原來詩雅出席首映前，曾乘搭港鐵港島線，竟被她遇上「港鐵磨柱男」，更一睹其廬山真面目，她說：「初時都唔知佢想點，後嚟諗住怒睥嚇窒佢，點知旁邊啲人視若無睹囉。」對於詩雅反應遲鈍，在旁的陳家樂不禁插嘴道：「佢成日都係咁o架啦！」談到自己是晚的性感打扮，詩雅不諱言已是性感極限，打趣指自己不夠天賦條件，相信日後注定要走密實路線。據悉，鑑於她在《很》片內演技被讚，幾場重頭戲更惹得首映女觀眾熱淚盈眶，刻下已有幾部電影正在洽商中，頓變影壇搶手貨。

鄭希怡唔想吽死

是晚首映可謂星光熠熠，鄭希怡（Yumiko）、湯怡、鍾舒漫、張致恒、楊受成夫婦紛現身捧場，而洪卓立等歌迷舉牌到場，叫聲拆天遭戲院職員勸喻，詩雅好友G.E.M.特意更改錄音時間支持好姊妹。有份客串一角的A.Lin則偕同一眾o靚模現身，她將吊帶收起變tube top，想不到卻穿崩一度引起露墊疑雲。Yumiko則透露正洽談返內地接拍時裝劇，並直言「忙死好過喺屋企『吽死』。」

文：影視組