女星美娜祖華維茲昨日與導演未婚夫保羅安德遜在洛杉磯家中舉行黃昏婚禮，並邀請五十名親友觀禮。身兼設計師的美娜，早前透露她會穿上自家設計的婚紗迷你裙行禮。另外，她最近為雜誌《Maxim》任封面人物，穿上性感內衣的她作勢除衫，大騷弗到漏的身材。她笑說：「我影呢輯相，係想騷下我生完個女後嘅修身成果，同想影啲讀者想睇嘅嘢！」
另外，組合The Corrs主音Andrea Corr前日亦在愛爾蘭一村落，與富商Brett Desmond拉埋天窗，老友U2主音Bono夫婦亦有出席，有傳U2更趁巡迴空檔在婚禮中表演助興。