前晚小型汽車Mini舉行50周年派對，大會請來謝婷婷、Janice Man、歐陽靖、莊思敏、陳柏熹等出席。其中謝婷婷被問到會否當男友安志杰是司機？她說：「咁樣講唔係咁好，佢唔係司機，佢係好男友，我都唔會當司機係司機，佢都係人。」

記者談到「港女」被指有公主病，婷婷即笑說：「佢會當我係公主，佢唔想我整親，行樓梯又驚我屈親，過馬路又驚我畀車撞親，所以出街成日幫我擋住，但我唔需要佢當我係公主。」

見謝賢會流汗

說到安志杰日前出席活動時大汗淋漓，婷婷即說：「出汗係健康。（男人味？）總之係好味。（同佢做親密行為時係咪都咁大汗？）我知佢做嘢就會出汗，同埋怕醜緊張都會，或者有時見到老竇（謝賢）都會流汗，因為老竇好挺好大隻。」記者笑問大汗安志杰是否「臭男人」？她即甜笑說：「His smell is wonderful！（他的氣味很正！）」

同場的Janice Man透露三個月前考獲車牌，常請教男友如何駕駛，她正苦惱送甚麼生日禮物給「老闆娘」樂基兒，問她不怕被指擦鞋嗎？她解釋朋友也會送禮的。問到可會希望與將在日本行show的「好姊妹」Angelababy同台？她笑說：「我哋仲有好多合作機會，大家各自努力啦！」

文：名人組