呂良偉一家三口昨日出席雪蓮健康淨水代言人簽約儀式，李香琴、黃夏蕙、呂爸爸、胞弟及胞姊等到場支持。阿呂簽約兩年，坦言酬勞很滿意，共有七位數字。早前阿呂已拍下一輯廣告，囝囝善揚亦有份演出。問到囝囝的酬勞，阿呂笑說：「唔好咁計，囝囝係送嘅，佢第一次拍廣告，幫佢接廣告會好揀擇，唔想影響到佢。」阿呂又透露稍後有機會到內地一家三口拍廣告。
活動上善揚滿場飛，並即席示範少林長拳，相當活躍。阿呂表示不介意囝囝長大後成為武打演員，他說：「我畀咗基本訓練佢，將來係點我控制唔到，點發揮佢自己話事。」而阿呂為無綫拍完劇集《富貴門》之後，下月會返內地繼續工作，暫未有計劃再為無綫拍劇。
