江若琳（Elanne）前晚與四子組合Square出席「博愛月全港慈善籌款」開幕禮，Elanne表示最近與一班fans助養了兩至三個小朋友，而自己則要待三十五歲後才考慮生BB，問她會否考慮雪藏卵子接受人工受孕？及考慮高大靚仔的Square的精子？Elanne被嚇得即時耍手擰頭，當面拒絕並驚叫說：「唔要呀，唔得。」
在旁的四子不忿起哄：「我哋咁正……」但Elanne卻毫不留情地直指他們冇內涵。Brian不甘示弱說：「如果我係江若琳就搵醫生同律師嘅精子。」假如江若琳主動問Square攞精子，他們會否答應？James即時得戚地答：「我要問過阿媽先！」但Brian就雀躍說：「捐精，有維他奶飲喎。」而前晚泳兒、王秀琳與蕭希榆都有出席博愛開幕禮，泳兒更由大陸趕返港出席。
而前晚江若琳以一身Hello Kitty裝扮出席Hello Kitty工作坊記者會，她透露會到澳門睇林憶蓮演唱會，並會搵小肥做嚮導，由於小肥的唱片公司旗下歌手鄧麗欣爆發豬流感，Elanne坦言對着小肥時會全程戴着口罩。