楊千嬅前晚為《勁歌金曲》錄影，接受訪問時聲沙沙的，事後她解釋聲帶生繭，但奪冠軍歌的她就堅持會唱現場。問她會否擔心？她說：「唔擔心，身體唔舒服希望大家體諒，會錫自己多啲，不過下星期都要為之前拍嘅大陸劇配音，之後就要休息同埋睇中醫。」

「冇人呵得番我呀」

千嬅笑言最需要老闆送假期給她，問是否送假給她結婚？她說：「送假畀我，保命先啦！命都保唔住結風咩！（丁子高有冇呵番你？）冇人呵得番我，係咪送個神醫畀我呀！」問她會否沖喜一吓？她說：「冇得沖呀！我要破繭而出，真係大吉利是。」

丁子高	江若琳稍後將到韓國參加影展。	一班歌手前晚為《勁歌金曲》錄影。

江若琳恨拍大陸劇

說到有指賑災籌款當晚，謝安琪因公司不給她與陳奕迅同台而於後台喊，千嬅說：「係咪感動得滯呀？總之我見唔到啦！」

此外，江若琳之後會與周秀娜到韓國參加影展，又會到北京錄第一首國語歌，她表示都想再拍大陸劇，因酬金高些。問她是否無綫人工低時，江若琳即說：「拍無綫劇好值得，因為好多人睇到我嘅工作。」

文：影視組