陳啟泰、黃宇詩昨日為舞台劇《仙樂飄飄處處聞》進行綵排，為今日的正式公演作好準備。二人於台上與小朋友們唱歌，歌聲不俗，不過陳啟泰坦言已咳了四個月，現時只九成痊愈，他謂：「今次都好好彩，場館可以早啲畀我哋綵排，所以舒服啲。」
問到與一眾小朋友合演會否有困難，陳啟泰謂：「佢哋好醒，最細嗰個都係六歲，但係好聰明，同佢哋一路玩一路排，本身我都唔係太鍾意細路仔，但都鍾意同佢哋合作。」他又否認過檔有線，只表示月底與亞視滿約還未傾續約，並謂：「之前幫有線做嘅節目《神探CSI》會再添食，亞視嘅工作量唔夠，我只希望做多啲適合自己同有挑戰性嘅嘢！」
