由阿嬌、舞台劇界的劇帝陳淑儀及資深舞台劇女演員邵美君擔演的爆笑舞台劇《星爸亞爸》，將於本月底公演。繼容祖兒早前送上檸檬王給阿嬌止喉痛後，另一好姊妹阿Sa日前亦抽空秘密探班，還帶備甜品送給阿嬌及工作人員潤喉補身，令阿嬌深受感動。

阿嬌表示參與演出《星》後，對喜劇產生濃厚興趣。

阿嬌兒時並冇與父親相處過，故飾演女兒令她感觸良多。

演技大有進步

阿Sa說：「我成日話嚟探班，但就要夾阿嬌排戲時間同埋我嘅工作時間，好彩最後都夾到時間嚟。我知道排舞台劇好花心神，而且消耗好多體力，同做一個演唱會差唔多，我帶咗糖水畀佢哋潤喉補身。（畀意見阿嬌？）都有，阿嬌演技進步咗好多，演得又放。」

而阿嬌表示愈演愈順利，有時還即興加演「動作場面」，她因角色所需而向陳淑儀大發脾氣，更即場攞橙掟向對方，七情上面。另外，阿嬌兒時並冇與生父相處過，故她在《星》中飾演女兒，令她感觸良多，而她與「父親」陳淑儀相處融洽，情同父女。

對喜劇生興趣

此外，阿嬌早前受訪時，表示感激經理人霍汶希、老闆楊受成、導演劉鎮偉及教她演戲的詹瑞文等。阿嬌雖然愛拍武打電影，但自從演了《星》後，對喜劇也產生濃厚興趣。問到阿嬌打算何時結婚？她說：「以前確係有諗過，但依家想法經常變，一切隨緣，工作至上。」

採訪：張國文