方力申於電影《機器俠》中，為追求孫儷可謂出盡渾身解數！當中包括利用超能力變走孫儷的大近視、於深夜踩單車載她遊車河、施展口技用口噴出心形煙圈及寫大字報，受傷後更將傷口紮成大白兔模樣來逗女方一笑。
拍戲用盡冧女五招，問小方現實中追女仔是否一樣「咁有計」？他表示：「因為我曾經試過表錯情同埋被心儀對象拒絕，所以我唔敢直接向女孩子表白。通常我都會同心儀嘅對象做住朋友先，喺佢面前做個好好先生，盡量表現男士風度，直至自己有十足嘅把握先會同對方表白。」
小方又稱喜歡與女朋友拍拖做運動，他說：「只要係運動，無論係打羽毛球或者網球，我都想同佢一齊參與。」
