早前本報拍到Fiona於灣仔私竇慶祝28歲生日，緋聞男友房祖名和方大同全部冇影，反見富貴TB密友Ann陪伴左右。前晚Fiona不認當晚於私竇開生日派對，稱只是與友人飯聚。

張敬軒與謝安琪拖手演出，表現投入。	一眾歌手表演過後，齊齊在台上謝幕。	Fiona與張智霖在音樂會上有不少親密的演出，其中一幕雙方更攬到實。

被偷影朋友投訴

問到與「密友Ann」之關係，Fiona即說：「朋友囉，佢有Partner㗎啦，而當時我拎住盒禮物都係另一個女朋友送嘅。」Fiona大呻每次與朋友出街都被影相，搞到朋友都向她投訴，她笑稱只有出街放狗才不會被傳緋聞。

記者提議不如公開另一半？Fiona即謂：「我有先得㗎！（房祖名囉？）我冇同佢拍過拖咯，（你兩個好襯？）因為襯先搵我哋拍戲啫。」至於可介意被指女同志？Fiona即說：「唔介意，但我鍾意男仔喎！依家出街都冇人陪啦，要匿埋屋企自閉。」

否認撻着Evelyn

同場的張敬軒前晚被問到王菀之有型男相伴，軒仔則指型男是王菀之阿嫂的弟弟，笑言如雙方拍拖便親上加親，最緊要王菀之開心。

至於同場的Mr.成員Tom同樣被本報拍到與G模Evelyn拍拖買外賣，Tom同樣例牌否認拍拖，解釋是買外賣到錄音室。被問到Evelyn於錄音室逗留了很久？Tom謂：「佢凌晨四點走咗啦，佢屋企好嚴㗎！（有冇私下約會？）都有嘅。」另有讀者報料指Mr.的另一成員MJ當街攬着一名短髮女子非女友卓韻芝？MJ表示當日只是與朋友作見面式擁抱並無其他。 文：音樂組

爆料編號：ireport_00020402

報料者：chacha