一連兩場，雲集數十位中、港、台及外地歌手的「Summer Pop－ Live In HK」前晚圓滿結束，千嬅、黎明及JM壓軸登場。身穿桃紅色晚裝的千嬅因皮膚敏感，胸口及背脊滿布紅印外，亦受哮喘病及喉嚨生繭問題困擾，但因工作已定及尚有三首歌未錄，故久病未愈都無暇休息，她現時最想覓名醫為她治頑疾。本來陳奕迅也曾介紹針灸師給她，可惜要放假十日返內地就醫，惟有打消念頭。

千嬅因皮膚敏感，導致胸口及背脊滿布紅印。	Eric日前因食物中毒而發燒入院。	JM在練舞時右腳受傷，但仍忍痛為黎明伴舞。

老闆冇刻薄

千嬅強調老闆黎明沒有「刻薄」，她說：「頭先見到黎生，佢都問我頂唔頂到，佢冇逼我錄音，只係問我把聲有冇嘢。」問她男友丁子高可有心痛？千嬅就話：「身體髮膚受諸父母，男女朋友都唔夠父母親。」

千嬅演唱新歌《真命天子》時，有穿上婚紗、禮服的舞蹈員，甚有待嫁意味，千嬅就歸咎唱片公司揼本，她又「擺」黎明上枱說：「應該係畀黎生，想催佢娶老婆，唔關我事。」

血染棉拖鞋

JM同樣負傷上陣，她日前在練舞時，右腳不慎受傷，血如泉湧浸濕了棉拖鞋，雖然傷口隱隱作痛，但貪靚的她，依然着四吋高跟鞋為黎明伴舞，忍痛能力高強。

滿面病容的劉美君就話哮喘病影響了她唱歌，除不停咳嗽外，又要頻飲水解口渴。孫耀威（Eric）日前聲帶出血，晚上食沙律充飢時，又因食物中毒而發燒至104度要入院，Eric大呻話：「啲教友都笑我係藥煲男。」Eric承認緋聞女友陳美詩曾SMS慰問他。

採訪：音樂組