本文重點
明天18歲生日的G.E.M.（鄧紫棋），昨晚與近百歌迷舉行BBQ派對預祝生日及慶祝其官方網站正式成立，唱片公司特別自製「GEM」車牌及蛋糕外，還有Salvatore Ferragamo的Ganciomania小手袋價值$4950給壽星女做禮物，歌迷則送上剪貼簿及卡通Tee。
G.E.M.表示記得去年入行生日派對只得28位歌迷參加，今年見到近百歌迷令自己感到很高興，她開心說：「希望生理心理都保持18歲，唔使再令人擔心，依家可以飲酒，又唔使再偷睇三級片，同埋可以揸車添。」
否認戀監製
問到生日願望？G.E.M.坦言沒有大願望未完成，反而想落club大開眼界，笑言：「未去過唔知係乜地方，而且阿爸阿媽都唔會畀我去嘅，唯一可以係飲酒囉。」
有傳與監製Lupo拍拖更成了周刊封面？G.E.M.笑言：「唔知係咪聽到我之前話想拍拖，所以送個男友畀我囉，其實佢只係我監製，大家關係好似家人咁。（發展機會？）唔會啦，佢年紀大我兩倍做得我阿爸啦。」
文：音樂組