書展爆發的「寫真戰」已告一段落，Kama穩守三甲，但論工作及風頭卻被Chrissie蓋過，近日即傳出Kama人氣下滑冇工開。日前戴上漁夫帽的Kama獨個兒出現旺角，見她先在減價的D-mop掃貨及逛鞋舖。

唔想衰氣纏身

之後Kama到了間水晶店，拿起幾條黑曜石手鏈向店員查詢有關功效，店員解釋可有效防小人時，Kama兩眼發光，帶笑點頭示意買下。期間她又睇中一條可令頭腦清晰及加強人緣的白晶配粉紅晶手鏈，一向是慳妹的她即豪使近千元，付鈔後更急不及待即買即戴，務求火速加強人氣同轉運！

事後記者問Kama是否因工作量減所以買水晶？她說：「我一向都冇問公司幫我安排接嘅Job，但一定唔會冇工開，我買水晶係想辟邪同吸走負能量，唔使衰氣纏身。」又說白晶配粉紅晶的手鏈閃「令令」，可當飾物戴。

文：專案組