黃秋生、樂易玲、導演邱禮濤等前晚現身圓方，先食意大利菜再睇戲。日前在《Laughing Gor之變節》首映上，因冇位坐而大鬧無綫的秋生，前晚與樂易玲有講有笑，看來雙方已經冰釋前嫌。
喝了點酒的秋生，心情不俗，在戲院遇到不少fans要求合照，即使他要趕入場睇戲，亦一一大方答應，他說：「樂小姐知好想睇番套戲出嚟個效果，我上次喺首映睇唔到，咪約我出嚟請我睇囉，咁啱呢晚邱禮濤請食飯，所以咪順理成章約埋樂小姐一齊食飯兼睇戲。（唔再嬲？）啲意大利Pizza又好食，酒又靚，樂小姐咁忙又抽時間請我睇戲，仲嬲乜吖！最緊要套戲反應好，觀眾鍾意。」
