呂慧儀沒有因情場失意影響，她與葉翠翠、周美欣昨日現身銅鑼灣鬧市，為有份演出的新片《Laughing Gor之變節》票房報捷進行謝票，並向市民派發影片紀念品，當中以慧儀最有睇頭，以黑色吊帶低胸衫上陣，盡騷豐滿上圍，她笑言性感全因配合角色，若票房繼續向好，將「再努力啲」宣傳。
談到如此性感現身鬧市，會否擔心被人博懵？慧儀指現場有眾多保安，再加上身邊有助手保護，更說笑表示：「我擔心畀人整到我條頸多啲，因為撞車之後成日都痛。」
電影日前正式開畫，以106萬票房成為本周開畫冠軍，電影公司見成績理想，鐵定明日先搞祝捷，下星期一就慶功。有見《Laughing》大收旺場，樂小姐稱無綫劇《烈火雄心３》亦得到消防處致電讚好，所以會跟曾勵珍商量會否開拍成電影。
另與徐淑敏同屆港姐的呂慧儀，得悉對方雙喜臨門時興奮得大叫：「恭喜佢呀！佢未打畀我，之前見過呢個男仔，佢係好男人，閃唔閃電好難講，咁到時我封姊妹利是咪好厚，唔理啦！到時唔畀我做都要霸番個位。」