日前首次來港開騷的英國樂隊Keane，在騷前接受本報訪問。鼓手Richard Hughes大讚經常出現於電影的維港很有代表性，但就嫌天氣太濕熱。他說：「我哋去咗九龍公園同去海運嗰邊，個景好靚，不過我行到去已經濕晒。」
Keane訪港前曾到日本，更巧遇地震，Tom說：「有嚇親！我當時感覺到床頭枱上嘅空罐跳咗落櫃，先知好唔正常，畢生難忘！」Richard則表示開房門時感到震盪，就像在船上搖晃，感覺奇怪。從未於歌曲加入結他元素的Keane，將有新嘗試，Tom自言現場彈結他是一大挑戰，更透露首次邊彈邊唱《Spiralling》時，傳奇結他手Jimmy Page亦在場，令他緊張彈錯。另外，他們最近與Kanye West合作，新歌有望明年面世。