Macy多年前曾組成女子組合女生宿舍而被大家認識，其後拍過電影、做過舞台劇，於兩年前正式與無綫簽約，拍了《與敵同行》、《王老虎搶親》及《古靈精探B》等劇集，亦曾任節目主持。

最想學跳舞

現時Macy很滿意自己的工作表現，她謂：「其實依家同以前一樣過得咁充實，舊年我都做過四個舞台劇，而且好多場合都會有唱歌機會。」問她現時會否還希望做歌星，她說：「唱歌我仲好有興趣。（希望公司幫你出碟？）呢啲隨遇而安啦！我成日覺得唱歌最好玩係可以跳舞，雖然我唔係好叻，但係呢個係一個好好嘅表演形式。」

對於現時的工作安排，Macy坦言滿意，不過仍想有進步機會，故她不時都會看電影作自我增值，她說：「我好喜歡一個人睇戲，自己買咗張戲院嘅VIP卡，幾時去睇都得，希望可以吸取每個演員嘅演繹方法。」

被指扮o靚模

說到這一行競爭激烈，現時o靚模又多，Macy聞言即謂：「所以我咪染淺色頭髮囉！啲人都話我扮o靚模 ，我覺得佢哋一定有巿場價值。（覺唔覺得佢哋行為、言行過火？）呢啲睇個人啦！美少女有身材、有樣貌，若然工作有需要，我覺得冇所謂。」　

文：影視組　攝：馬永堅　

場地：天與地（諾士佛臺）