談及要演繹Maria一角的感受，黃宇詩從一宗童年趣事談起：「細個好鍾意睇《仙樂飄飄處處聞》，但次次未睇到結局就要上床瞓覺，好似一個永不完結嘅故事。電影版嘅Julie Andrews咁成功，但我唔擔心，因為我會用我自己嘅方法去演，如果跟番佢嘅演法，唔使比較都知係失敗。」

加緊訓練

陳啟泰聞言後亦大表認同，他說：「宇詩演唔到Julie Andrews演嘅Maria，同樣道理，Julie Andrews都演唔到宇詩演嘅Maria。」

獲拍檔大派高帽，宇詩未敢飄飄然，她說：「開始綵排到依家，舞蹈方面我唔係咁擔心，因為我不嬲有跳開舞，但唱歌就有少少擔心，因為喺舞台上唱歌係要好大聲，呢樣嘢我仲要加緊訓練。」

用心感受

連登台經驗豐富的陳啟泰，也大呼有難度，他說：「我今次都要放低一貫唱pop嘅方式去唱，老師叫我要用心去feel，唔好畀個戲限死。呢個劇真係演員夢寐以求嘅演出機會，我要多謝亞視、有線，仲要多謝焦媛，因為上次請佢做節目嘉賓，我哋傾開話『有機會合作』，估唔到後來佢就將我介紹畀高志森。」

文：影視組