近期歌影兩忙的泳兒，除忙於拍攝電影《死神傻了》外，還為新專輯進行連串宣傳工作。泳兒向來被公認為有料之人，偶而作出性感打扮已令人眼前一亮，更曾惹起廣泛討論，是名副其實的「禾稈冚珍珠」。

問她在新專輯內會否以性感形象示人？泳兒笑謂：「今次好多布，冇諗住撼啲o靚模，我會好密實，嚟個反高潮，咁樣仲吸引人注意，其實我唔係太適合性感，偶然出騷少啲布，反而仲多咗驚喜。」

遲啲先出寫真

現時性感寫真集大行其道，問她會否考慮推出純影集？泳兒說：「遲啲先啦，要諗到有乜構思先去做，要有賣點先得，唔會為咗影而影。」

工作忙得不可開交，泳兒坦言也心思思想放假充電，惜不得要領，她說：「原本想放假旅行，點知撞正出碟，結果又放唔成。」認真是貴人事忙！

採訪：German

攝影：黎志輝

化妝：Cyrus@Beauty Tech

髮型：Ziv@O4

服裝：Gallery de Vie

場地：Crave@銅鑼灣