江欣燕、徐榮在《同事三分親》及《畢打自己人》中飾演情侶，觀眾甚為受落，徐榮更希望將來有機會能與欣欣演死敵。二人的影迷會成立一周年之日，欣欣、徐榮親自現身答謝粉絲，認真有情。
欣欣、徐榮的「欣欣向榮」影迷會成立一周年，日前他們特別抽空出席聚會，首次面對面答謝粉絲，徐榮笑言：「估唔到我哋啲fans咁細個，原來我哋都有咁嘅市場。」
遇上好對手
欣欣、徐榮特別花時間搜羅與劇集有關的物品做見面禮，結果帶來《同事三分親》開花結果的劇本、《畢打自己人》堅姐給包公的廿萬支票等，而粉絲們亦送自製特刊給偶像留念。
對於粉絲們的愛戴，欣欣開心的說：「以前班fans好多都結晒婚、生埋仔，當我再專注事業時又有一班新fans，好感動！除咗多謝佢哋，仲好開心遇上徐榮咁好嘅對手，同佢擦出火花做螢幕情侶。」隨着《畢打自己人》將於明年一月拍竣，「情侶」關係面臨結束，欣欣輕鬆的說：「活在當下，依家盡力做好。」
怕粉絲沉迷
徐榮得粉絲愛戴，感受更深：「由觀眾唔識到有啲人識，一路都係拍住欣欣，真係多謝佢，跟住唔知幾時再同欣欣合作，希望下次可以同佢做敵對角色，唔一定要有感情，好玩啲。」徐榮又對粉絲的支持感開心，但卻怕他們花太多時間、心機，會影響讀書，所以勸喻不要太沉迷。
文：影視組