周麗淇（Niki）今年中秋佳節未能人月兩團圓，她坦言對有關前男友鄭嘉穎的問題感到煩厭，她笑謂：「總之希望大家過中秋節開開心心，唔好再講！」
身為東海堂月餅代言人的Niki，昨日冒住人多擠迫的危機，以白色短裙仔踩入美食博覽，為最新代言的冰皮月餅宣傳，她即場製作兔仔冰皮月餅，又為歌迷於月餅盒上簽名留念，場面熱鬧。Niki說：「今次酬勞好滿意、好開心，最受惠係媽咪，因為廣告商送好多月餅畀我。」
中秋不愁寂寞
回復單身的Niki提到今年中秋節未能人月兩圓，她說：「梗係唔係孤零零啦，我有好多朋友同屋企人陪我，（冇男朋友？）人生唔淨係得呢樣嘢，我有廣告拍都不知幾幸福，冇乜所謂。」
否認數臭嘉穎
對於有報道指Niki在接受崔建邦節目《My Name is 邦》訪問期間，不停數臭前男友鄭嘉穎，她說：「呢啲新聞炒完又炒，算罷啦，總之成個節目都冇提過佢，（好煩厭？）都有，所以堅持唔講，求吓大家唔好再講，都咁耐啦，大家過中秋節開開心心。」
採訪：音樂組