方大同早前在台灣金曲獎中獲四項提名，但最終坐足全晚空手而回，大同表示沒有失望：「上年都冇，唔會咁快，金曲獎好多人，有得入圍同參與已經好開心。」問到緋聞女友薛凱琪有否傷心到喊？大同笑笑口：「冇喊，冇咁誇張，不過佢之前有SMS叫我加油同Goodshow。（好冧？）唔係冧。」

「佢鍾意男仔」

對於Fiona被拍到與TB友人慶祝生日，大同表示：「只係炒作新聞，佢係鍾意男仔嘅。（咁清楚？）我哋係朋友，都清楚嘅。（佢同房祖名散咗？）佢哋有一齊過咩？」

方大同為配合八月廿七及廿八日舉行的兩場演唱會，特別推出處男作新書《L.I.F.E》，大同幽默說：「我本書封套支結他都好好身材。」

大同表示今次個唱邀請到各地音樂人合作，並希望反應理想加至五場，問到為何不在紅館舉行？大同說：「冇期，會展都未試過開自己騷。」

採訪：音樂組