杜琪峯執導港產西片《復仇》，首次與有「法國貓王」之稱的Johnny Hallyday合作，杜琪峯大讚對方隨和：「我之前唔知佢係邊個，去過康城先知佢有幾紅。不過佢拍戲要求唔多又冇架子。佢開頭喺香港拍戲都唔慣，所以我每日都係開工八小時。佢好有個人修養。」
問杜琪峯會否繼續開拍西片？他表示遇到適合的劇本才會拍，不會刻意安排。談及拍攝《復》片的難忘事，他指戲中以英語為對白，林雪雖然事前努力狂操，但到配音時出來效果仍未如理想，最後要找來陳子聰為他配音，而尹子維則為林家棟的角色配音。問到會否令林雪和林家棟不開心？杜琪峯笑說：「我哋唔開心呀，搞咁耐都唔得。」
