身為一名超級「貓迷」的李彩華（Rain）不諱言曾為一支「貓筆」而節衣縮食，陷入瘋狂狀態，不過隨着年紀漸長，她竟然主動割愛，將歌迷送的公仔轉贈一眾小朋友，可謂愛心爆棚。
Rain對Hello Kitty情有獨鍾，她更自爆小學期間的傻事：「睇中咗一支大頭原子筆，當時成幾十蚊，我辛辛苦苦儲錢買咗返嚟，轉頭就畀人偷咗，再買過啦，自己又唔小心唔見咗……來來回回幾次，搞到自己好灰，終於決定放棄唔再買嘞。」
頑皮基因湧現
近日，Rain應邀到「愛貓」的展覽場館內拍照，體內的頑皮基因迅速湧現，不停拿着相機拍照。問到她可有打算將自己的家布置成場館般？她即謂：「以前真係有諗過，不過依家發覺唔係咁實際。（男友成日送Kitty禮物？）依家唔想收喇，反而以前讀書有男仔不停送呢啲嘢嚟追我。」早前，Rain更將家中大大小小毛公仔拿到慈善機構去捐贈，直言覺得送給有需要的小朋友更有意義。
着牛仔褲登台
而最近忙於登台的她，自爆經常險被醉客拉落台，回想起來的確是一額汗，故已加強保安。Rain又笑言：「以前覺得登台好大件事，所以着得靚啲，依家發覺安全最緊要，所以多數都係着牛仔褲，慳番唔少置裝費。」
文：影視組