檸檬李婷近日頻頻接Job，希望增加曝光率。入行前曾是空姐的她經朋友介紹下做模特兒，之後除了是《耳分高下》的「Sing之天使」外，亦曾拍攝陳柏宇的ＭＶ以及和I Love U Boyz齊齊拍攝飲品廣告。

面對娛樂圈眾多o靚模，Liddy自言感到競爭很大。問到她覺得自己有何「必殺技」時，她說：「其實依家好多女仔都好細個入行，我都已經唔算o靚模，不過可能我仲有一絲稚氣，畀人感覺都仲幾青春活潑啦！」

唔使羨慕人

眼見幾位「Sing之天使」再次成為《美女廚房》主持，自己會否覺得落後於人？她說：「其實一開始都覺得有少少唔開心，覺得係咪自己表現唔好，所以冇得再做？不過諗深一層覺得都係上天嘅安排，所以睇開咗，又可能我仲有其他更好嘅機會，唔使羨慕人嘅！」

問到性格爽直的Liddy希望在娛樂圈朝哪一方面發展，她說：「我想咩都試，因為可以豐富自己嘅演藝事業，不過如果話最想嘅，就一定係唱歌，由細到大我都好鍾意唱歌！」

文：專案組

攝影：李廣成

服裝：Ella.D