在《家好月圓》中憑忠仔一角為人熟悉的溫家恒（Vincent），早前被指借故親近已有男友洪立熙（Brian）的吳雨霏(Kary)。對於被塑造成「溝女王」，Vincent大感無奈，並直斥報道生安白造：「其實我同Kary細細個讀書嘅時候已經識，我哋仲成日約埋一齊放狗添。篇報道話我趁Brian唔喺度苦纏Kary係唔成立嘅，因為當晚Brian全程都喺度，只係個記者無寫出嚟。」
自覺形象受損的Vincent愈說愈激動：「我覺得佢哋有心將我塑造成溝女王咁，之前又話我同A貨湯唯點點點，嗰次我已經唔出聲，但因為今次太過分，所以唔出聲唔得。同埋我想叫佢哋學識尊重人，我雖然係新人，但奀星呢個字眼好難聽。」雖然無故與Kary傳緋聞，但Vincent表示未有影響二人交情，並揚言日後還是會相約對方外出。