阿珊直言明白亞視想用最少的酬勞去留人，雖然給她續約條件不算差，但她看不到前景：「佢哋畀到嘅工作唔多，少錢都唔係問題，但我唔習慣散做。」阿珊明白到有同事靠人工養家，不過在此時勢商業機構的決定難分對錯，同事們惟有面對。另外，黃璦瑤十一月約滿，她坦言若減人工就不會續約，現正傾其他新發展。

葉家寶：只係減騷

不過，亞視高層葉家寶則強調並非減薪，只是減騷而已。他說：「我哋同藝人傾時有加有減，好似戚黛黛、姜皓文同鮑姐都有加。因為嚟緊亞姐同亞洲星光大道啲人會出嚟，所以要留啲資源訓練佢哋。（要新唔要舊？）唔係！會雙管齊下。」葉家寶透露過去一年藝員爆騷所花的資金超過500萬，第四季亞視將開新劇，故藝人減騷不算嚴重，只減原本的百分之二，而珈潁則不再續約亞視。