無綫高層樂易玲昨於電視城宣布新片《Laughing Gor之節》票房報捷時，被問到「咪神」徐淑敏與男友黃浩拉埋天窗一事，她說：「佢尋日返過嚟公司傾合約，佢有話拍緊拖，而男方都想同佢有結果，佢都講過話有計劃（結婚），但幾時就等佢哋公布啦。（奉子成婚？）我睇落唔覺，不過有計劃結婚或者生仔都係好事，如果係都係部門喜事，TVB風水好呀。」
新片票房方面，樂小姐表示昨早至午有三場次分別在27間影院上映，票房已接近三十萬，是全線中外影片之冠。有指《Laughing》一片將開拍續集，樂小姐謂：「老細都話要快啲，可能原班人馬開第二個系列，會同監製研究下。」
另外，陳志雲昨日錄影《志雲飯局》時，被問到徐淑敏懷孕會否違反合約，他說：「唔會，好多藝人生埋仔都會繼續做，結婚、生仔唔使解約。」說到已做了腳部手術的何守信，陳志雲表示稍後會抽時間探望他：「佢隻腳應該冇乜大礙，之後肯尼亞、北京拍攝佢都拍唔到，如果可以可能會叫佢喺香港拍番啲有關嘅嘢。」