周秀娜（Chrissie）昨日與蒙嘉慧（YoYo）出席活動。有報道指謝婷婷不滿公司側重Chrissie而解約，Chrissie對此表示：「我唔清楚，只知自己係公司第一個藝人，唔知婷婷都係。其實大家類型唔同，喺工作方面冇問題，唔使爭寵。（話婷婷嫌棄你喎！）我冇親耳聽到唔當真。（公司係咪側重你？）唔會，不過客戶選擇，我控制唔到。」
正忙拍電影《死神傻了》的Chrissie，且尚有其他電影斟洽。問到是否想轉型？她說：「拍戲都係我興趣。（介意裸露演出？）我會誓保全身任何點。（似唔似寫真咁大膽意識呢？）寫真意識良好。」她又稱衝不破心理關口，即使出高價也不接受裸露。
另外，事業漸入佳境的Chrissie接受有線娛樂新聞台訪問，坦言不怕與男友距離愈拉愈遠，她笑謂：「男友都事業有成，只要我養埋佢，佢就唔會呷醋啦！」她又稱最想偶像金城武推出攬枕，可讓她日日攬住傾心事。