於書展推出寫真集大賣二萬本的Kama，前晚特別宴請公司同事食飯慶祝。對於早前何超儀在個人網址上指o靚模是「雞」，Kama想了一會才說：「香港有言論自由，每個人都有權發表自己意見，其實model都係一份工作。我自己本身好欣賞何超儀，同佢合作過覺得佢好友善，仲提點我小心走光。」

青春型格路線

超儀大罵o靚模經常露肉，於寫真集內以半裸示眾的Kama說：「我都覺得唔需要下下賣弄身材，如果工作上好似拍廣告有需要就OK，但如果成日攞呢個做主題就唔係咁恰當。（你係咪暗示Chrissie？）唔係，我哋係好朋友，唔係敵人。（怕比較？）唔會，大家路線都唔同，佢係走性感，我係青春加少少型格。」

提到Chrissie樂做男人性幻想對象，Kama聽罷即表現抗拒：「我就唔想！（咩原因？）唔係咁好囉，如果有人走埋嚟同我咁講我會好驚！」近期G模援交的新聞鬧得熱烘烘，Kama坦言太多負面新聞，嚴重影響G模的聲譽。

毋須見招拆招

早前Kama表示會再推出更激的寫真集，前晚她忽然又變回純情，她謂：「唔會再出喇，今次已經係我底線。（但Chrissie好勁喎，又攬枕又牙膏！）我唔需要特登見招拆招。」

文：名人組