本文重點
有關「迅Kay戀」的消息愈傳愈熱，近日有指何韻詩放料令戀情曝光。前晚阿詩與主角之一陳奕迅（Eason）碰頭，表面上二人搭晒膊頭扮friend，但在後台Eason直接質問阿詩為何唱衰他，而阿詩亦不甘示弱回敬他說：「唔唱你唱邊個？」
Eason與謝安琪傳出「迅Kay戀」，有指何韻詩是爆料者，前晚，Eason與阿詩齊齊為《勁歌金曲》錄影，二人不時搭膊頭，更大方合照，坦言沒有因新聞而影響友情。
問阿詩見到Eason會否感尷尬？她說：「你話我會唔會呀！我面皮厚，其實真係唔係太關我事，我唔係八卦嘅人。」阿詩又指錄影前Eason笑指她「唱衰我」，說：「我同佢講係呀！唔唱你唱邊個呀？呢啲大家都明白，（影響友情？）梗係唔會，尤其是佢，我一入行嗰陣已識佢，大家好清楚大家性格，唔會理呢啲新聞。」
表現勁high
之後阿詩又表示覺得拍劇開心些，快將拍完《女王辦公室》的她坦言不捨得，更有點想喊的感覺，遲些她會請所有演員去看她的演唱會。記者叫她簽藝員約時，她笑言：「梗係唔好，部頭好啲。」
Eason亦坦言與阿詩沒有因新聞而影響感情，前晚擔任嘉賓主持的他表現甚high在台上與張惠妹合唱，他不諱言：「我之前未聽過佢唱live，頭先同佢同場，覺得係一種享受，好耐未試過有呢個感覺，都想多啲同佢合作。」除了阿妹外，節目亦邀得「台灣幫」蕭敬騰助陣。
文：影視組