自Yumi成功彈出後，風頭被搶的Wylie即經常人前人後力數師妹不是，不過Yumi每次均予以還擊，二人針鋒相對事例屢見不鮮。
08年12月 拍攝賀年MV時，Wylie聯同戴夢夢數臭Yumi拖慢進度兼冇做功課，及後Yumi在網誌反擊碩之不應「喺各大報紙數落我！」
09年1月 Yumi因遲到累街坊，Wylie又與夢夢聯手訓示師妹，就算事隔數天仍咬住Yumi唔放：「好似Yumi鍾意遲到就唔係咁好，希望佢可以盡力做好啲。」
09年5月 Wylie否認傳聞與Yumi冇偈傾，卻遭Yumi踢爆，指自己與Wylie「冇咁啱傾」。
09年7月 Wylie遭夢夢踢爆在排舞期間嫌腳抽筋的Yumi阻碇，Wylie事後直認Yumi排舞時呆站中央阻礙進度，更一度想搬開對方。
09年8月 Yumi被影射援交，碩之不但冇幫口，更指她「都算過分」及「男女關係混亂」；翌日Yumi即反擊Wylie立心誣衊，力數師姐五宗罪。