這封以香港性文化學會名義發出的公開信，指無綫製作的《香港先生選舉》有三宗罪：只招待女性任評判、刻意營造兩性情慾、容許女評判觸摸參賽者；但香港小姐選舉未見有類似安排，參賽者三角褲泳裝環節，容易令家庭觀眾尷尬或反感。

曾擔任過三屆評判的胡定欣，昨出席將軍澳新都城「百人共舞迎東亞」活動後說：「質疑香港先生同港姐唔同？男同女本身都有分別喇，睇你用咩心態去睇，我哋去睇係抱支持心態，（話三角褲令人尷尬？）我覺得男士係應該表現出power，佢哋為比賽操咁耐，咁都要畀個機會佢哋展示。」

許家傑接投訴開心

高鈞賢表示：「年年都有投訴，香港好多負面批評，o靚模都有人鬧，但有人buy，即係有佢嘅市場，冇話反唔反感，唔想睇可以唔睇。」

應屆出爐香港先生許家傑則說：「好開心睇到呢封信，代表呢個節目多人留意，如果有人覺得觀眾好尷尬、反感，呢個係佢嘅睇法，但個節目主要表現活力、健康主題。」

文：影視組