於動漫節開幕當日慘遭摸股非禮的Melody，前晚被發現與三位女友人相約到海運大廈一餐廳晚餐。Melody戴上cap帽便服打扮，晚飯期間雖與友人有傾有講，但全程零笑容，似乎心事重重，相信是為早前的非禮事件耿耿於懷。席間幾位好友都很用心聆聽Melody訴苦，又不斷說笑圖令Melody開懷，但看來作用不大。

至十時許一行四人從餐廳步出，Melody木無表情，兼且雙眼通紅，手中還拿着紙巾，邊行邊掩面索鼻，大概是向友人講述受辱經過而忍不住哭起來，而她身旁的幾位好友見狀即加以安慰，跟她耳語一番，Melody不時點頭示意。當晚Melody大部分時間均把雙手放在胸前，且一直行在友人中間，似不敢跟陌生人接觸。後來她們到的士站，Melody不願獨個兒上車，最後由三位好友一起登車陪她離開。

四人行街時，Melody（左二）必定站於中間位置。

Melody害怕獨自搭的士，要友人相陪。

親友慰問傷上加傷

事後記者致電Melody，問她是否哭過？她說：「唔係喊，只係有少少感冒同流鼻水，呢排好忙所以有啲病病哋。（係咪因為非禮事件喊？）冇喊，不過好唔開心，有好多報道令我覺得有壓力，屋企人同朋友知道件事之後都好擔心，好多人打嚟問我。我知佢哋都係錫我同關心我，但愈多人講愈令我諗番起件事，心情更差。（會唔會唔敢打扮性感？）我覺得唔關性感事，係自己唔好彩。（有無陰影？）陰影都會大，以後自己會小心啲，出席活動時會搵人陪。」

文：名人組