，周秀娜（Chrissie）在書展及動漫節大出風頭，但人氣狂飆同時惹來無數非議。當中莊思敏與袁彌明出招喪插，前者大嘲對方咕用來發洩，後者勁寸咕乃係高潮物，更指o靚模最多只紅幾個月，大家看膩時就會消失。
Chrissie近日人氣不斷攀升，其性感大膽行徑，雖然獲得一眾電車男出錢出力支持，但亦令不少社會人士質疑影響下一代。當中曾多次力數o靚模的莊思敏亦再次發炮，前晚在活動中揶揄Chrissie夠勇：「嘩！好勇敢！好大膽嘅嘗試，始終枕頭都係嚟發洩用！」當見到在場記者大笑，她即補充：「我嘅意思係指打架時用，仲要放自己個樣上去喎，好多人打！」她更自言平日習慣丟枕頭發洩。
咁熱血引人犯罪
之前曾批評o靚模的莊思敏，前晚卻與同場的八模兵團成員合照，她說：「唔尷尬，講咗就講咗。」問她有沒有對o靚模改觀？她指不是個人問題，而是其公司行為過火影響社會風氣，她更認為非禮事件與o靚模不無關係，她說：「唔多唔少都有關，大家都咁熱血，太興奮好容易會失控！但我就冇試過畀人非禮，始終我哋嘅工作都係遠離群眾。」對於指o靚模行唔到catwalk，她直言：「呢個係事實，On Stage要有一定標準。」她又笑謂冬天時o靚模熱潮會冷卻：「天氣凍着咁少布好易病，唔小心病咗就更加做唔到嘢啦！」
落場答謝fans
其實當晚Chrissie與莊思敏同場，但因Chrissie姍姍來遲錯過相遇機會，但當她得知對方指o靚模與非禮事件有關時，她說：「我覺得完全冇關係，唔可以拎埋一齊講，係對女性尊重嘅問題。」她又指動漫節是年輕人展現活力的地方，對於自己的咕大賣，她希望在動漫節最後一日到現場答謝fans，問到時有何感謝行動時，她笑言可以帶「她」見家長：「買咗我個咕咪可以抱抱我囉！帶我返屋企同Daddy食飯囉！」
滿足男人性幻想
另外，昨日袁彌明出席自己新店開幕時亦寸爆o靚模，矛頭更直指Chrissie！問她做老闆後會否減少幕前工作？她自嘲說：「我又唔肯舔雪糕，又唔肯刷牙，冇得做，做到咁爛，冇咁嘅需要，我正經賣嘢好過！」對於Chrissie出咕，她直指乃係「潮」物：「咁樣出潮物真係冇嘢好講，不過係高潮個『潮』，唔係潮物個『潮』囉！認咗佢咪算囉，依啲係滿足男士嘅性幻想！」問到是否覺得近期o靚模行為過火時，她寸爆說：「冇客觀嘅準則，不過過咗我嘅主觀底線！要我趷起個籮畀人影相冇可能！」
最後她表示現在愈談o靚模只會令她們愈紅，但過多幾個月，當大家看到膩時，她們就會沒落。
文：專案組