31/07/2009

播放本新聞相關短片

Matthew劇終人散脫苦海

本文重點
美國人氣電視劇《迷》第五季將於八月三日起在AXN BEYOND頻道首播,而男主角飾演醫生Jack的Matthew Fox最近接受訪問時表示,決意不再拍劇的他,對《迷》的完結感到很好,實行盡早脫苦海。

Matthew早前公開表示不會再拍電視劇,讓他可以有更多時間家庭樂。被問到即將開拍第六季兼最後一季的《迷》心情如何時,他沒有半點不捨地說:「我覺得好好啊!因為呢類電視劇如果拍十年八年的話一定會被拖垮,有份創作劇集嘅Damon一路都知點將個故事收科,但佢要到第三季先知要用幾多集去將呢個故事講完,我哋定咗拍到第六季就完,所以你會發現第四同第五季劇情節奏快過第一季好多。」

讚Kate甜心

除了劇中的英雄醫生Jack受歡迎外,勇敢堅強的女主角Kate亦是觀眾喜愛角色之一,Jack曾在劇中與Kate有感情線,Matthew對這位拍檔讚不絕口:「我好喜歡飾演Kate的Evangeline Lilly,未演過戲嘅佢要參與呢套劇真係唔容易,仲要做女主角添,好大壓力,但佢處理得好好,佢仲係一個甜心。」

早前法國航空一班客機離奇失蹤,最後全機人罹難,被問到事件會否影響劇集發展或其駕駛飛機的心情時,他說:「我唔相信有人將呢件事估計成好似《迷》咁,如果係就太恐怖,我對罹難嘅人感到悲哀。」他亦堅信數字顯示證明坐飛機較坐車更安全。

文:外娛組

邊個港姐最靚?立即投票!
詳情瀏覽on.cc《香港小姐2009》